MANIFESTUA

Europako nerabe eta gazteak gara, eta gure hezkuntzan behin eta berriz esaten digute pertsona konprometituak, arduratsuak eta justizia- eta elkartasun-balio sendoak dituztenak garela. Gure hezkuntza markatzen duen gizarteak balio horietan sinesten duela pentsatu nahi dugu.

Haietatik, halako desolazio batez ikusten dugu nola erantzuten ari garen gizateria gisa COVID-19aren aurkako txertoaren banaketan eta prezioan.

Ez gara etorkizuna, orainaldia gara eta horregatik eskatu nahi dugu:

• AHALEGIN BATERATUA egin behar da. Ezin dugu COVID-19aren pandemiarekin amaitu herrialde bakoitzak bere kabuz jarduten badu. Elkartasun globalarekin bizitzak salbatuko ditugu eta pertsonak babestuko ditugu.
• Elkarrekin, gure beldur guztiak hautsi ditzakegu; izan ere, COVIDak hunkitzen gaitu pertsona guztiei lagundu ahal izateko eta etsaigoak, hesiak edo mugak suntsitzeko.
• GJHak bete eta EZ UTZI INOR ATZEAN. Geure buruari galdetzen diogu non geratu den ODS 3 (Osasuna eta Ongizatea) delakoa, zeinak txerto seguruak, eraginkorrak, eskuragarriak eta kalitatezkoak denontzat eskuratzeaz hitz egiten baitu, bai eta jabetza intelektualaren malgutasunaz ere, osasun publikoa babesteko eta sendagaiak pertsona guztientzat (3.8 eta 3.b) eskuragarri jartzeko.

Mundu berdea, osasuntsua eta aukera berdinetakoa lortu behar dugu.

• Txertoak denbora errekorrean atera dira eta eraginkorrak dira. Harritu eta haserretu egiten gaitu gure gizarteetan txertorik hartu nahi ez duenak. ZAINDU egiten gara beste pertsonak zaintzeko; beraz, biztanleen artean ezagutza eta konfiantza areagotu behar da, pertsona guztiek txertoa har dezaten animatuz eta sustatuz. Jendeak laguntzea eta pandemiarekin amaitzeko txertoa jartzea eskatzen dugu.
• Gaur egun, arrakala dago «iparraldeko herrialdeen» eta «hegoaldeko herrialdeen» arteko txertoen banaketan. Txertoek munduko ondasun publikoak izan beharko lukete immunizazio handiagoa lortzeko.
• Baliabide ekonomiko gutxien dituzten herrialdeek ez dituzte txertoak beste herrialdeen SALNEURRI berean erosten. Bidegabea da!
• Erosketa-prezioan dagoen desberdintasunaz gain, zailtasuna ere badago: BEHARREZKO TXERTOAK LORTZEA . Horrek «txertaketa-apartheid» batera garamatza eta arriskuan jartzen gaitu gizateria gisa.
• Beste herrialde batzuk GEHIEGIZKO EROSKETA egiten ari dira. Behar baino dosi gehiago hartu dituzte, pertsona bakoitzari 5 aldiz txertatzeko adina! Negozioa egin nahi dute soberakinak garestiago salduz. Ezin dugu onartu.
• COVAX izeneko erakunde bat sortu da. Erakunde horren helburua da txertoak herrialde guztientzat eskuragarri egotea, hornidura nahikoa izatea eta banaketa bidezkoa izatea. Txertoak pertsona guztientzako ondasuna izan behar du, eta ez merkatuko objektua. BOTIKAGILEEK COVAX LAGUNDU BEHARKO LUKETE, eta aldi baterako uko egin beren patenteei. Horrela, leku gehiagotan egin litezke txertoak, dosi gehiago lortu eta biztanle gehiagorengana iritsi.

Giza bizitza guztiek balio bera dute. Justizia kontua da.

Manifestu honen alde egiteko eskatzen dizugu change.org-en sinatzen Eta NANa baduzu, Europako Herritar Ekimena ere sina dezazula https://noprofitonpandemic.eu/es/

Manifestu hau Claret Larraona ikastetxeko (Iruñea) Lehen Hezkuntzako 6. mailako ikasleen ekarpenetatik abiatuta idatzi da. COVIDak hunkitu egiten gaitu.

Sanduzelai ikastetxe publikoko 6. mailakoek egindako itzulpenean oinarrituta

Ikastetxeen ekarpenak (laster). Bidali zurea!!

Dagoeneko parte hartzen ari dira: